Zbokth, yndyrë, rënie flokësh apo thjesht mungesë volumi. Secili prej nesh përballet me një sfidë të ndryshme kur bëhet fjalë për flokët. Dhe shpesh, zgjidhja nuk është te produkti më i shtrenjtë, por te ai që është më i përshtatshmi për ty.
Kjo është pikërisht arsyeja pse Purity ka krijuar një linjë të specializuar shamposh, të formuluara profesionalisht për të përmbushur nevoja të ndryshme, me përbërës natyralë dhe efekt të garantuar.
Në këtë artikull, ne do të jemi udhërrëfyesi juaj personal: do të zbulojmë se cila shampo nga Purity është e duhura për llojin tënd të flokëve dhe gjendjen e skalpit. Në fund, nuk do të jesh më e pasigurt para opsioneve të shumta por do të dish saktësisht çfarë të kërkosh dhe pse.
Si Ta Kuptosh Llojin Tënd Të Flokëve
Zgjedhja e shampos së duhur fillon me një hap të thjeshtë, por thelbësor: të kuptosh mirë se çfarë tipi flokësh dhe skalpi ke.
Nuk mjafton të thuash “më bien flokët” apo “kam zbokth”, duhet të analizosh si reagojnë flokët gjatë javës, si ndihen pas larjes, dhe si duket lëkura e kokës në mënyrë të përditshme.
Nëse flokët yndyrosen shpejt, duken të sheshtë dhe të rënduar, ke skalp me prodhim të lartë yndyre.
Nëse ke kruarje, ndjeshmëri apo zbokth të dukshëm, kjo tregon për një skalp të irrituar apo të thatë.
Flokët që bien lehtë, janë të hollë dhe me majat që këputen shpejt, kanë nevojë për forcim dhe ushqim. Kur e kupton këtë, mund të zgjedhësh shampon e duhur nga Purity që nuk trajton vetëm simptomën, por edhe shkakun.
Zbokthi Dhe Skalpi I Ndjeshëm – Shampo Me Zink Dhe Mentol
Zbokthi është më shumë se një shqetësim estetik, është një shenjë që skalpi yt po reagon ndaj diçkaje: produkt i gabuar, stres, tharje apo irritim. Nëse ke zbokth, kruarje apo skuqje të shpeshtë, ke të bësh me një skalp të ndjeshëm që kërkon trajtim të butë, por efektiv.
Shampo kundër zbokthit nga Purity është e pasur me zink, i cili ndihmon në reduktimin e zbokthit dhe parandalimin e rikthimit të tij, si dhe mentol, që qetëson dhe freskon skalpin.
Formula është pa sulfate dhe pa përbërës agresivë, ndaj është ideale për përdorim të rregullt edhe në lëkura të ndjeshme. Me përdorim të vazhdueshëm, do të vëresh më pak zbokth, më pak irritim dhe një ndjesi pastërtie që zgjat më shumë.
Flokë Me Yndyrë? Provo Fuqinë E Procyanidinës
Nëse flokët tu yndyrosen shpejt, duken të rënduar që ditën pas larjes dhe mungon ndjesia e pastërtisë, atëherë ke të bësh me një skalp që prodhon tepër vajra natyrale. Shampot e zakonshme shpesh i thajnë flokët përkohësisht, por pas disa orësh, yndyra rikthehet edhe më shpejt, një cikël që vetëm e përkeqëson problemin.
Shampo për flokë me yndyrë nga Purity përmban Procyanidin nga rrushi i kuq dhe niacinamide, dy përbërës që ndihmojnë në balancimin e prodhimit të yndyrës pa dëmtuar skalpin. Kjo formulë pastron në thellësi, rikthen freskinë dhe i jep flokëve volum pa i tharë. Me përdorim të rregullt, flokët që dikur dukeshin të rënda e të pista, kthehen në të lehta, të pastra dhe plot jetë.
Rënia E Flokëve – Kur Flokët Kërkojnë Mbështetje Ekstra
Nëse je duke parë më shumë flokë në krehër, jastëk apo gjatë larjes, mos e injoro. Rënia e flokëve është një nga shqetësimet më të zakonshme dhe shpesh ndodh si pasojë e stresit, mungesës së vitaminave ose përdorimit të produkteve të gabuara.
Shampo kundër rënies së flokëve nga Purity është e formuluar me biotinë, keratinë dhe kolagjen, tre përbërës që punojnë për të forcuar rrënjën, për të ushqyer lëkurën e kokës dhe për të parandaluar rënien e mëtejshme.
Kjo shampo nuk bën mrekulli në një ditë, por me përdorim të vazhdueshëm, flokët nisin të duken më të qëndrueshëm, më të fortë dhe më të trashë. Nëse flokët e tu po kërkojnë ndihmë, kjo është pika ku duhet të fillosh.
Hudhra E Zezë – Sekreti Për Rigjenerimin E Rrënjëve
Hudhra e zezë mund të mos duket si përbërësi më “luksoz”, por efektet e saj në flokë janë të jashtëzakonshme. Shampo me hudhër të zezë nga Purity është e pasur me antioksidantë dhe substanca që nxisin qarkullimin e gjakut në skalp, duke stimuluar rigjenerimin natyral të rrënjëve.
Shampo me hudhër të zezë nga Purity është krijuar për të luftuar rënien intensive dhe për të rikthyer dendësinë e flokëve. Ajo forcon rrënjën, ndihmon në daljen e flokëve të rinj dhe i jep flokëve pamje më të plotë e të shëndetshme. Nëse kërkon një trajtim të thellë dhe natyral që vepron që në përdorimet e para, kjo është zgjedhja e duhur për ty.
Flokë Të Hollë Dhe Pa Volum?
Flokët e hollë shpesh duken të pajetë, të rralluar dhe pa formë, pavarësisht sa shpesh i lash apo stilon. Ato kanë nevojë për më shumë se thjesht pastërti – kërkojnë forcim nga rrënja, strukturë dhe mbrojtje nga agresorët e jashtëm si dielli dhe ndotja.
Shampo për rritje dhe forcim flokësh nga Purity, me ekstrakt luleshtrydhe dhe keratinë, është formuluar për të stimuluar qarkullimin në skalp, forcuar fijet dhe për të nxitur rritjen e flokëve të rinj.
Ajo rikthen dendësinë, jep volum natyral dhe i bën flokët të duken më të shëndetshëm dhe më të plotë që pas disa larjeve. Nëse dëshiron flokë me më shumë jetë dhe trup, kjo është një zgjedhje që ja vlen.
Këshilla Bonus: Si Të Kombinoni Produktet Për Rezultate Sa Më Të Mira
Për të pasur flokë të shëndetshëm, nuk mjafton vetëm shampo, mënyra si i kombinon produktet është ajo që bën diferencën. Pastrimi, ushqimi dhe mbrojtja duhet të ecin bashkë për rezultate të plota dhe të qëndrueshme.
- Pas përdorimit të shampos së përshtatshme për gjendjen e flokëve apo skalpit, përdorimi i një balsami nga Purity përforcon efektin.
- Përdor balsamin kundër rënies së flokëve, i pasur me kolagjen dhe keratinë, për të ushqyer rrënjët dhe parandaluar brishtësinë e fijeve.
- Nëse dëshiron të rrisësh flokët dhe do më shumë dendësi, balsami për rritjen e flokëve me vitamina dhe minerale stimulon qarkullimin dhe i jep jetë rrënjëve.
- Ndërsa balsami me keratinë dhe kolagjen forcon fibrën e flokut, mbron nga dëmtimet dhe ndihmon në ndalimin e rënies duke përmirësuar shëndetin e skalpit.
- Për flokë me yndyrë, apliko balsamin vetëm në gjatësitë e flokëve, për të shmangur rëndimin e skalpit dhe për të ruajtur freskinë e skalpit.
- Nëse ke flokë të hollë apo pa volum, përdoreni balsamin në sasi të kontrolluar për të ruajtur lehtësinë dhe natyrshmërinë e flokëve.